Les mots surlignés font l'objet d'une note
1Monsieur, par le decès de monsieur de Claveson, prieur du prieuré
2Saint-Martin en la ville de Saint-Saphorin d’Ozon, ung messire
3Claude de Montceaulx, des serviteurs de la maison de monseigneur
4le cardinal de Lorraine, à la faveur et protection de Monseigneur de Birague
5et de monseigneur de Lorenne, en a esté pourveu et ce daultant que le
6patronnage et collation ordinaire en appartient audit cardinal de Lorenne,
7la conservation des droictz duquel je desire fort pour plusieurs
8considerations et par ce que ung maître Guillaume Michal, chanoyne
9de Romans, saydant d’une provision de monsieur le legat d’Avignon,
10est venu à troubler sa possession et le deposseder par force et
11violence darmes, accompaigné de plusieurs entre lesquelz, ainsi quon
12me faict entendre apparoir des informations prinses par le vibailly
13de Vienne et ses commis, il y a ung Jehan de Mussy, qui se dict
14archer de votre compagnie, qui a tousiours assisté, comme il faict
15encores, ausdites violences, jay bien voulu, en recommandation et
16protection du bon droict dudit Montceaulx, vous escripre la présente
17et vous supplier, Monsieur, de commander que lon nuse poinct
18en cela daucun acte de force, ains que les choses passent
19selon lordre et forme de justice, comme je masseure estre telle
20votre intention ; et nestant ceste pour aultre, je la finiray par mes
21bien humbles recommandations à votre bonne grâce. Je supplie le Createur
22vous donner,
23Monsieur, en parfaicte santé et prosperité très longue et heureuse
24vye. De Lyon, le IIIIe jour de juillet 1572
25Votre plus afeccionné à vous faire servise
26Mandelot
2728